पूर्वमा बर्जुताल महोत्सव हुँदै

पुर्वको ठुलो जलासय बर्जु तालको प्रचारप्रसार गरी आन्तरीक तथा बाह्य पर्यटकको गन्तव्य बनाउने उद्येश्यले बर्जु ताल महोत्सव आयोजना हुने भएको छ । सरकारी उदासीनताका कारण लामो समयदेखी ओझेलमा परेको उक्त तालले स्थानीय जुटेसँगै रुप नै परिवर्तन भएको छ । सोही ताललाई अन्तराष्ट्रिय स्तर सम्म चिनाउने उद्येश्यले पौष १८ गतेबाट महोत्सव गर्न लागीएको बर्जुताल संरक्षण समीतीले जानकारी दिएको छ । १ सय ५१ विगाह क्षेत्रफलमा फैलीएको उक्त तालको संरक्षणका लागी नेपाली सेनाले समेत काम गरेको थियो । प्रधानमन्त्रि विकास कोषबाट ३५ लाख,तत्कालीन जिल्ला विकास समीती सुनसरीबाट ४ लाख र पर्यटन मन्त्रालबाट २५ लाख साथै अन्य विभिन्न दाताहरको आर्थीक सहयोग र श्रमदान मार्फत तालको पुननिर्माण भएको समीतीले जानकारी दिएको छ ।