महोत्तरीको भंगहा ४स्थित रातुखोलामा अवैध उत्खन्न

महोत्तरीको भंगहा नगरपालिका ४स्थित रातु खोलाको दोहोन निर्वाध रूपमा भइरहेको छ । भंगहा नगरपालिकाले खोला उत्खनन गर्ने ठेक्का लगाएको छ । अनुगमन गर्ने जिम्मा जिल्ला समन्वय समितिको छ भने गैरकानुनी काम रोक्न प्रहरी छ । तर, खोलाको अवैध उत्खन्न गर्ने ठेक्केदार र क्रसर चलाउनेप्रति कसैको नजर परेको छैन । मापदण्ड विपरित नदी उत्खन्न र क्रसर बन्द गराउन आन्दोलित हुँदा पनि सुनवाइ भएको छैन । भंगहा नगरपालिका ४ र ६ नम्बर वडास्थित रातु खोलाको किनारमा एक दर्जन क्रसर संचालनमा छन् । त्यहास्थित सञ्चालित क्रसर उद्योग सबै मापदण्ड विपरित संचालनमा रहेको पाइएको छ् । मापदण्ड मिचेर बालुवा, गिटी झिक्दा नगरपालिका मौन बसेको स्थानीयको आरोप लगाएको छ । जनताले विरोध गर्दा उल्टै ज्यान मार्ने धम्की दिने र प्रहरी प्रशासन पनि ठेक्केदार र खोला खन्ने क्रसर डनको पक्षमा भइदिने गरेको स्थानीयको गुनासो छ । क्रसर व्यवसायीले आसपासको क्षेत्रका स्थानीयलाई डर र त्रासमा राखेका छन । अवैध उत्खननविरुद्ध बोल्नेलाई क्रसरवालाले फर्जी डाँका मुद्दा लगाएर डर, त्रास देखाएको भंगहा–४ रामनगर बिर्ताका हिरालाल महतोले बताउनुभएको छ । क्रसर विरुद्ध आउनेलाई जेसिबीले मारेर खाल्टो खनी गाडि दिने क्रसरवालाले धम्की दिदै आएको स्थानीयले बताएका छन् । रातु खोलास्थित रामेश्वरनाथ सामुदायिक वनको २ विघा ४ कठ्ठामा लगाएको वन मासेर तीन वटा क्रसर खोलिएको उनीहरुले बताएका छन । गत पुष २५ गते खोलाको अवैध उत्खन्न रोक्न गएका धनुषा श्रीपुरका दिलिप महतोको क्रसर डनले खोलामै हत्या गरेका थिए । रातु खोलामा अवैध उत्खन्न रोक्न गाउँले लिएर गएका चार जनामाथि क्रसरवालाले पैसा लुटेको भन्दै प्रहरीमा डाँका मुद्दा हालेर दुःख दिएको स्थानीयले बताएका छन् ।।