वन विकास गर्न सरकारको नयाँ योजना

सरकारले वनजन्य उद्यम विकास तथा प्रवद्र्धनका लागि निजी क्षेत्रको लगानी आकर्षण गर्ने रणनीति लिएको छ । आगामी आर्थिक वर्ष २०७७÷०७८ को सरकारको नीति तथा कार्यक्रममा वनजन्य उद्योगको विस्तार गरिने र त्यसमा नीति क्षेत्रको लगानी आकर्षण गर्ने उल्लेख गरिएको छ ।

नेपाल वन पैदावार उद्योग व्यवसायी महासंघका अनुसार हालसम्म ५ हजारभन्दा बढी वन उद्योगमा निजी क्षेत्रको करिब ८६ अर्ब रुपैयाँ लगानी रहेको छ । महासंघले पटक–पटक सरकारलाई वन उद्यम प्रवद्र्धनमा निजी लगानी आवश्यक रहेको बताउँदै आएको छ । तर सरकारले लगानीको सुरक्षित वातावरण तय गर्न नसकेको महासंघको गुनासो छ । अन्य क्षेत्रमा निजी लगानी बढ्ने क्रम रहेपनि वन क्षेत्रमा भने निजी लगानी कम रहेको भन्दै सरकारले निजी क्षेत्रलाई आकर्षित गर्न कसरत गरेको छ । वन क्षेत्रमा छिटो प्रतिफल नआउने, निजी वनको रुख काट्दा पनि झन्झटिलो कानुनी प्रावधान अपनाउनुपर्दा वन क्षेत्रमा लगानी गर्न निजी क्षेत्र आकर्षित नदेखिएको हो । तर सरकारले वनजन्य उद्यममा निजी लगानी बढाउने नीति सार्वजनिक गरेको छ ।