फलफूल र नगदेबालीका विरुवा बिक्री नहुँदा नर्सरी सञ्चालक समस्यामा

गुल्मीमा नर्सरीबाट उत्पादन भएका फलफूल र नगदेबालीका विरुवा बिक्री नहुँदा नर्सरी सञ्चालक समस्यामा परेका छन् । लामो लकडाउनका कारण कागती, सुन्तला, अनार, मौसमसहित टिम्मुर, किबी, चियापत्ती, कफीलगायतका एक दर्जन भन्दा वढी फलफुल तथा घाँसका विरुवा बिक्री नभएको रेसुङ्गा नगरपालिका –७ स्थित पुतलीबजारका वीरबहादुर कार्कीले बताउनुभयो ।

जिल्लामा बाँझो जमिन खनेर कागती लगाउने अभियान चलेपनि बिरुवा अन्य जिल्लाबाट ल्याउने प्रचलनले नर्सरी सञ्चालक समस्यामा परेका बताइएको छ । ५ रोपनीको नर्सरीमा बिरुवा उत्पादन भएको करिव ५० हजार भन्दा वढी बिरुवा रोप्न योग्य रहेको छ । नर्सरीमा अझै धेरै विरुवा उत्पादन गर्ने सोच रहेपनि बिक्री नहुँदा समस्या भएको उहाँको भनाई छ ।