खेतमा पानी लगाउने विषयमा झगडा हुँदा पाँच घाइते

कपिलवस्तु । खेत पानी लगाउने विषयमा झगडा हुँदा कपिलवस्तुमा पाँच जना कृषक घाइते भएका छन् । महाराजगञ्ज नगरपालिका–४ का कृषकहरुबीच एक अर्कामा खेतमा पानी लगाउने पालोका विषयमा झगडा भएको थियो ।

झगडामा परि सोहि स्थानका ५० वर्षीय मोहमद हुसेन, २८ वर्षीय अल्ताप हुसेन, ७५ वर्षीय सलिम गद्दी घाइते भएको प्रदेश ५ प्रादेशिक प्रहरी कार्यालय दाङले जनाएको छ । यसैगरी झगडा गर्दा घाइते बनेका अर्को पक्ष सोही ठाउँका ४५ वर्षीय जुमन मिया र ४० वर्षीया जाहेदा मिया रहेकी छन् ।

घाइते मध्ये ३ जनाको स्थानीय शिवराज अस्पताल बहादुरगञ्जमा सामान्य उपचारपछि कपिलवस्तु जिल्ला अस्पतालमा रिफर गरिएको छ । घटनाबारे थप अनुसन्धान भइरहेको प्रहरीले जनाएको छ ।