च्यांग्राको सामान्य न्यूनतम मूल्य नै ३० हजार कायम

कोरोना कहर र बाढी पहिरोका कारण जोखिमयुक्त बाटो छिचोल्दै मुस्ताङबाट शहर बजार झारिएका च्यांग्राको मूल्य यस वर्ष आकासिएको छ । दशैंका लागि ल्याइएका मुस्ताङी च्यांग्राको सामान्य न्यूनतम मूल्य नै ३० हजार कायम गरिएको छ । दशैंका लागि यस वर्ष चीनको तिब्बतबाट भेडाच्यांग्राको आयात रोकिएसँगै भेडाच्यांग्राको मूल्य ह्वात्तै बढेको हो । मुस्ताङ र डोल्पाका भेडाच्यांग्राको खरीद मूल्य नै २८ हजार रुपैयाँ परेको व्यापारीको भनाइ छ । भेडाच्यांग्राको नियमित व्यापार गर्दै आएका व्यापारी अत्याधिक मूल्यका कारण खरीद नगरी फर्किएका छन् भने केही व्यापारीले महँगोमा नै खरीद गरेका छन् ।।