भोजपुरका कृषक किवी खेतीमा

भोजपुर जिल्लाका कृषक व्यावसायिक किवीखेतीतर्फ आकर्षित भएका छन् । आलु तथा मकैखेतीभन्दा किवीखेतीबाट राम्रो आम्दानी हुन थालेपछि उनीहरु किवीखेतीमा लागेका हुन् ।एकपटक रोपेपछि वर्षौसम्म आम्दानी लिन सकिने भएपछि कृषक अन्य बाली हटाएर व्यावसायिक किवीखेतीमा लागेका हुन्। भोजपुर नगरपालिका र टेम्केमैयुङ गाउँपालिकाका विभिन्न क्षेत्रमा किवीखेती हुने गरेको छ । किवी खेति संगै पाखे अलैँची र खोर्सानीको समेत खेती गर्न सकिने भएकाले दोहोरो फाइदा लिन सकिने किसानको भनाई छ । किसानले किवी प्रतिकेजी २५० देखि ३०० मा बजारमा बिक्री गर्दै आएका छन्।