बैदेशिक लगानी भित्र्याउने सरकारको निर्णय विरुद्ध किसान आन्दोलित

कृषिमा बैदेशिक लगानी खुला गर्ने सरकारको निर्णय विरुद्धमा बुधबार पनि प्रदर्शन भएको छ । किसानसंग आवद्ध विभिन्न संघ संगठनहरुले काठमाडौंमा प्रर्दशन गरेका हुन् ।

प्रर्दशनमा संघर्ष समितिका महासचिव प्रल्हाद दाहालले देशको अर्थतन्त्र खस्किनेका साथै स्वरोजगार भएका किसानहरु, उद्योगी व्यवसायीहरुको समेत रोजीरोटी खोसिने बताउनुभयो ।

प्रर्दशनमा सबै एसोसिएसन तथा संघ महासंघका प्रतिनिधिहरुको एउटै आवाज थियो– नेपालमा विदेशी लगानी भित्रिंदा समग्र किसान, उद्योगी व्यवसायी र अन्य धेरै क्षेत्रमा असर पर्ने, स्वदेशी उत्पादन प्रयोग नहुने, देशको अर्थ व्यवस्था धारासायी हुने, स्वरोजगार किसानहरु बेरोजगार हुने ।