सोलुखुम्बु देउसाका दुई सय कृषकलाई मौरीको आधुनिक घार वितरण

सोलुखुम्बुको थुलुङ दूधकोशी गाउँपालिका–८ देउसाका दुई सय कृषकलाई मौरीको आधुनिक घार वितरण गरिएको छ । व्यवसायिक मौरीपालनतर्फ किसानलाई आकर्षित गर्न दुई सय कृषकहरूलाई चार सय थान आधुनिक घार वितरण गरिएको हो । घार वितरण गर्दै गाउँपालिका अध्यक्ष असिम राईले निर्वाहमुखी कृषिलाई सुधार गर्दै व्यवसायिकतातर्फ लाग्न कृषकलाई प्रोत्साहन गरिने बताउनुभयो । नागरिकको आर्थिकस्तर उकास्नका लागि कृषिमा व्यवसायिकता आवश्यकता भएको औल्याउँदै उहाँले प्राथमिकताको साथ काम गर्ने दावी गर्नुभयो । पाँच दिने तालिमसँगै मौरीको आधुनिक घार पाएपछि कृषकहरू हर्षित बनेका छन । अहिलेसम्म परम्परागत रूपका घारमा मात्र मौरी राख्दै आएकोमा आधुनिक घार पाएपछि स्थानीयको भनाइ छ । व्यवसायिक मौरीपालनका लागि स्थानीय सरकारले वडा नं. ७ देउसालाई तोरी पकेट क्षेत्र बनाउने कार्यक्रम समेत अगाडि बढाएको छ ।