कृषिमा बजेट सिलिङ घटाएर कार्यक्रम प्रस्ताव गर्न आग्रह

राष्ट्रिय योजना आयोगले कृषि तथा पशुपंक्षी विकास मन्त्रालयलाई सिलिङ घटाएर अहिलेकै बजेटको वरपर रहेर आफ्ना नीति तथा कार्यक्रम प्रस्ताव गर्न आग्रह गरेको छ । योजना आयोगले बजेट मार्गदर्शनमा नयाँ आयोजनालाई भन्दा पुरानालाई पुरा गर्ने गरी बजेट विनियोजन हुनुपर्ने उल्लेख गर्दै यस्तो आग्रह गरेको हो । यता अर्थ मन्त्रयालयले पनि अत्यावश्यकबाहेक नयाँ योजना नमाग्न मन्त्रालयहरूलाई भनिसकेको छ । यो बजेट नयाँभन्दा पनि अधुरा आयोजना पुरा गर्ने र कोरोनाको असर न्यूनीकरण गर्ने गरी आउने देखिएको छ । कृषि मन्त्रालयले चालु आर्थिक वर्षको भन्दा ५ अर्ब कम बजेटको सिलिङ पाएको छ । चालु आवमा यस मन्त्रालयलाई २९ अर्ब ३२ करोड ७६ लाख रुपैयाँ बजेट बिनियोजन भएको थियो ।