बोइलर कुखुराको मासुको मूल्य फेरि बढ्यो, खुद्रा बिक्री मूल्य ४ सय २५ रुपैयाँ

एक हप्ता नपुग्दै बोइलर कुखुराको मासुमा मूल्य फेरि बढेको छ । सोमबार देखि लागु हुने गरी जिउँदो बोइलर कुखुराको कोल्ड स्टोर खरिद मूल्यमा १० रुपैयाँले बढेको हो । १० रुपैयाँ बढेसँगै बोइलर कुखुराको मुल्य ३ सय १० रुपैयाँ पुगेको राष्ट्रिय कुखुरा बिक्री व्यवसायी संघले जनाएको छ । तयारी ब्रोइलर कुखुराको मासुको खुद्रा बिक्री मूल्य ४ सय २५ रुपैयाँ पुगेको छ । कुखुराको उत्पादनमा आएको गिरावटका कारण मासुको मूल्य बढेको हो । मासुको मूल्यमा वृद्धि हुँदा किसान र उपभोक्ता मारमा परेका छन् । यता, कुखुराको मूल्यमा उच्च वृद्धि भएको गुनासो बढेपछि मासु होलसेलमा वाणिज्य, आपूर्ति तथा उपभोक्ता संरक्षण विभागले अनुगमन थालेको छ ।।