कुखुराको मासु प्रति केजी ४ सय ३० पुग्यो

पछिल्लो समय कुखुराको मासुको मूल्य बढेको छ । चितवनमा र काठमाडौँमा कुखुराको मासुको मूल्य अहिलेसम्मकै उच्च बिन्दुमा पुगेको छ । राष्ट्रिय कुखुरा व्यवसायी सङघका अनुसार कुखुराको मासु प्रतिकेजी काठमाडौँमा ४ सय ३० रुपैयाँ र चितवनमा चार सय रुपियाँमा कारोबार भइरहेको छ । साना व्यवसायीले यो मूल्यभन्दा १०÷१५ रुपियाँ बढी मूल्यमा कुखुराको मासुको कारोबार गरिरहेको छन् । व्यवसायीले किसानबाट जिउँदो कुखुरा प्रतिकिलो काठमाडौँमा ३ सय १० र चितवनमा २ सय ८५ रुपियाँमा खरिद गरेका छन् ।।