बजेट सुझावः गुणस्तर सुधार कायम गराउन देखि तालिम संचालन र एसएमपी प्लान्ट निर्माण गर्न डेरी एसोसिएसनको सुझाव

नेपाल डेरी एसोसिएसनले आर्थिक बर्ष २०७८÷७९ को नयाँ बजेटमा डेरी क्षेत्रमा नयाँ दुग्ध क्षेत्र छनौट, गुणस्तर, नयाँ सम्भावित पकेट क्षेत्रको अध्ययन र अवलोकनमा जोड दिनुपर्ने सुझाव दिएको छ ।

जिएमपी ट्रेनिङ संचालन र एसएमपी प्लान्ट बनाउन पनि सुझाव दिएको छ । नेपालमा हाल ५० प्रतिशत दुध बजारमा आउन नसकेको बताउँदै किसानले उपयोग गर्नुपर्ने बाध्यतालाई हटाउँदै सो दुधलाई बजारसम्म जोड्नका लागि लोकमार्ग आसपासको अध्ययन गरी सिन्धुली, रामेछाप र दोलखामा चिलिङ सेन्टर स्थापना गर्न सुझाव दिएको छ । एसोसिएसनले काभ्रेमा उत्पादन हुने दुधको गुणस्तर कायम गराउन सहकार्यको काम गर्न पनि सुझाव दिएको छ ।

त्यस्तै, उद्योगमा प्राविधि भएपनि गुणस्तर सुधारको लागि अनुभवको कमिका कारण काम हुन नसक्दा ल्याव संचालनको लागि सहकार्य कार्यक्रम संचालन गर्न आवश्यक रहेको बताएको छ । साना घरेलु डेरी सुधार कार्यक्रम अन्र्तगत अनौपचारीक क्षेत्रलाई औपचारिक क्षेत्रमा ल्याउन डेरी मर्जर साथै अनुदानको कार्यक्रम पनि संचालन गर्न सुझाव दिएको छ ।

एसोसिएसनले सातै प्रदेशको भूमि, व्यवस्था, कृषि तथा सहकारी मन्त्रालय, राष्ट्रिय दुग्ध विकास बोर्ड, पशु सेवा विभाग, प्रदेश दुग्ध विकास बोर्ड लगायतका निकायलाई सुझाव दिएको हो ।।