डीडीसी माग्यो सरकारसँग ३० करोड सहुलियतपूर्ण ऋण

दुग्ध विकास संस्थान डीडीसीले कृषि तथा पशुपन्छी विकास मन्त्रालयमार्फत अर्थ मन्त्रालयसँग ३० करोड सहुलियतपूर्ण ऋण माग गरेको छ । डीडीसीले किसानलाई माघदेखि दूधको भुक्तानी दिएको छैन । सोही भुक्तानीका लागि सरकारसँग सहुलियत ऋण मागेको हो । डीडीसीले कोभिड–१९ का कारण भएको बन्दाबन्दीको समयमा दूध तथा दुग्धजन्य पदार्थ बिक्री नहुँदा पुँजी होल्ड भएको र अहिले किसानलाई समेत भुक्तानी दिने रकम नभएको बताएको हो । किसानलाई करिब तीन महिनाको ३५ करोड रुपियाँ भुक्तानी गर्न बाँकी रहेको र बन्दाबन्दीमा बिक्री वितरणमा आएको गिरावट अझै नसुध्रिएका कारण सरकारसँग सहुलियत ऋण माग गरेको बताएको छ ।