निश्चित व्यापारीलाई फाइदा पुग्ने गरी सुपारी आयात पुकुवा गरीएको भन्दै छानवीन सुरु

सुपारीमा लगाइएको परिमाणात्मक बन्देज हटाई निश्चित व्यापारीलाई फाइदा पुग्ने गरी आयात अनुमति दिइएको भन्दै राष्ट्रिय सभाको दिगो विकास तथा सुशासन समितिअन्तर्गतको उपसमितिले छानबिन थालेको छ । कार्यविधि वा मापदण्ड नबनाई आफूले चाहेको व्यापारीलाई आयात अनुमति दिइएको भन्दै उपसमितिले छानबिन थालेको हो । उपसमितिले भन्सार विभागलाई पत्र पठाएर तत्काल सुपारी आयात रोक्न भनेको छ । मन्त्रिपरिषद्ले गत फागुन २५ मा चालु आर्थिक वर्षमा २५ हजार टन सुपारी आयात गर्ने अनुमति खुला गरेको थियो । मन्त्रिपरिषद्को निर्णयले सीमित व्यापारीलाई फाइदा पुग्ने भन्दै छानबिन सुरु भएको हो ।।