अबैध रुपमा ल्याइएका १ सय २८ वटा बोइलर कुखुरा नष्ट

भारतबाट अवैध रूपमा ल्याएको कुखुरा रुपन्देहबिाट नियन्त्रणमा लिइएको छ । जिल्ला प्रहरी कार्यालय रुपन्देहीले १ सय २८ बोइलर कुखुरा नियन्त्रणमा लिएको हो । प्रहरीले नियन्त्रणमा लिएको कुखुरा तथा मासु पशु क्वारेनटाइनमा बुझाएको र क्वारेनटाइनले नष्ट गरेको छ । अवैध आयात गर्नेलाई पशु स्वास्थ्य ऐन तथा नियमावली अनुसार कारबाही गरिएने जनाइएको छ । विदेशबाट स्थल मार्ग हुँदै नेपालमा कुखुरा, चल्ला, अण्डा तथा मासुजन्य पदार्थ आयात गर्न प्रतिबन्ध छ । तर दैनिक भारतका विभिन्न सहरबाट चोर नाका हुँदै अवैध कुखुरा र अण्डा नेपाल भित्रिँदै आएको छ ।।