कोरोना कहरमा कृषको मनोबल बढाउन सरकारले कार्यक्रम ल्याउनुपर्नेमा डेरी एसोसिएसनको जोड

नेपाल डेरी एसोसिएसनले कोरोना महामारीमा पनि आफनो ज्यानको प्रवाह नगरी दिनरात काममा लाग्ने सबैको मनोबल बढाउन सरकारले कार्यक्रम ल्याउनुपर्ने बताएको छ । दूध अती आवश्यक बस्तु भएको र समयमा गन्तव्यमा पुर्याउन नसक्दा खेर जाने हुँदा ढुवानीको समयमा कुनै पनि अवरोध नगर्न पनि अनुरोध गरेको छ । दुध धेरै दिन भण्डार गरेर राख्न पनि समस्या हुने र धुलो दुध, बटर गत सालकै टन्नै स्टक भएकोले अहिले देशैभर दैनिक ६० प्रतिशत बजार घटेको एसोसिएसनले बताएको छ । कोरोनाका कारण उद्योगले उत्पादन गरेको धुलो दुध र बटर स्टक रहदाँ चालु पुँजी रोकिएको अवस्थामा किसाहरुलाई पनि भुक्तानी दिन नसकिएको जनाउँदै सरकारले स्टक सामान बराबर उद्योगलाई कर्जा उपलब्ध गराउनुपर्ने माग गरेको छ ।।