कोरोना महामारीका कारण तरकारी बजार ठप्प भएपछि कैलालीका किसान चिन्तित

महामारीका रूपमा फैलिएको कोरोना सङ्क्रमण रोकथाम तथा नियन्त्रणका लागि गरिएको निषेधाज्ञाले तरकारी बजार पूर्णरूपमा ठप्प भएपछि कैलालीको धनगढी उपमहानगरपालिकाका किसान चिन्तित भएका छन् । बारीमा उत्पादन भएको टमाटर, भन्टा, लौका, फर्सी लगायतका तरकारी बिक्री गर्न नपाएर कुहिएर खेर जाने होकी भन्ने चिन्ताले किसानलाई पिरोल्न थालेको छ । अहिले बारीमा करिब ३० क्विन्टल पाकेको टमाटर, १० क्विन्टल जति भण्टालगायतका तरकारी बिक्रीका लागि तयारी अवस्थामा छ । तर कहाँ लगेर उत्पादित तरकारी बिक्री गर्नेल किसानलाई पत्तो छैन । अघिल्ला वर्षमा तरकारी व्यवसायबाट निकै आम्दानी हुने गर्दथ्यो तर कोरानाका कारण गत वर्ष र यस वर्ष गरिएको बन्दाबन्दीले व्यवसायमा निकै घाटा व्यहोर्नुपरेको किसानहरुले बताएका छन् ।