किसानप्रति सरकार अझै उदार हुन सकेन, उत्पादित कृषि उपज विक्री नहुदाँ गाईभैसींलाई खुवाउन बाध्य

कोरोना भाइरसको नयाँ भेरियन्ट देखिएसँगै जारी गरीएको निषेधाज्ञाका कारण बर्दिया जिल्लाको सदरमुकाम लगायत अन्य ठाउँ शुनसान छन् । जिल्ला प्रशासन कार्यालय बर्दियाले बैशाख १४ गतेबाट कोरोनाको दोख्रो लहरको चेन ब्रेक गर्न निषेधाज्ञा जारी गरेको छ । निषेधाज्ञाका कारण नगरपालिकाका दुध उत्पादक कृषक, तरकारी उत्पादन गर्दै आएका कृषक तथा व्यवसायी मर्कामा परेका छन् । यसै गरी निषेधाज्ञा भैरहने हो भने दुध र हरियो तरकारीहरु गाई भैसिलाई खुवाउन पर्ने या बाटोमा फाल्नु पर्ने अवस्था आउन भन्दै उनीहरु चिन्तित भएका छन् ।

गत सालको लकडाउनमा पनि किसानहरुले लाखौं घाटा ब्यहोरर्नु परेको थियो । संघ, प्रदेश र स्थानीय तहले बजारीकराणमा ध्यान नदिदाँ महामारीका समयमा किसानहरु घाटा व्यहोर्न बाध्य छन् । गत बर्ष पनि राज्य भएको अनुभव गर्न नपाएको बताउँदै उनीहरुले यस बर्ष पनि सोही अवस्था आउनु गुनासो गरेका छन् । किसानप्रति सरकार उदार हुन नसकेको उनीहरुको गुनासो छ ।

तरकारी व्यवसायमा १८ बर्ष देखि आवद्ध रहेका दिनानाथ कडेलको अवस्था पनि उस्तै छ । निषेधाज्ञा भन्दा अघि उनले दैनिक ५० बोरासम्म आलु बेच्दथे तर अहिले मुक्किलले १० बोरा पनि विक्री हुँदैन ।

यता, श्री हराभरा कृषि सहकारी संस्थाका सदसइ शोभाकान्त पौडेल भने महामारीको अवस्थामा सरकारले किसानहरुलाई लक्षित गरेर राहात कार्यक्रम ल्याउनुपर्ने बताउँछन् । यस संस्थाले लकडाउन भन्दा अघि किसानहरुको दैनिक एक हजार लिटर भन्दा बढी दुघ खरीद गर्दै आएको थियो ।

बर्दियामा छोटो दुरीका साथै लामो दुरीका सबै यातायातका साधनहरु ठप्प छन । सरकारी कार्यालय प्राय जसो सबै अघोषित रुपमा बन्द छन भने स्कुल कलेजहरु घोषित रुपमै बन्द छन । ब्यापार ब्यवसायको नाममा दैनिक उपभोग गर्ने खाद्य बस्तु लगायतका न्युन सख्यामा पसलहरु खुल्ला छन ।