अज्ञात रोगले पशु चौपाया मर्न थाले

सप्तरी । सप्तरीको पश्चिमी भेगको बोदेबर्साइनमा फैलिएको अज्ञात रोगले पशु चौपाया मर्न थालेका छन् । बोदेबर्साइन नगरपालिका– ५ मा एक सातादेखि फैलिएको सो रोगको सङ्क्रमणबाट करिब एक दर्जन पशुचौपाया ग्रसित भएको बताइएको छ । अज्ञात रोगको सङ्क्रमणबाट केही पशुचौपाया मरेका छन् ।

चौपायाको मुखबाट ¥याल आउने, काप्ने, छट्पटाउने, घाँस र पानी नखाने, गोडा सुनिने, खुट्टा र मुखमा घाउ हुने, पेट फुल्ने र झोक्रिएर बस्ने जस्ता लक्षण देखिएको छ । अज्ञात रोगले चौपाय मर्न थालेपनि सरोकारबालाले गम्भीरता नदेखाएको भन्दै स्थानीय किसान चिन्तित भएका छन् । तत्काल रोग पत्ता लगाएर उपचार गर्न स्थानीय किसानहरुले आग्रह गरेका छन् ।