दाना झर्ने समस्या नियन्त्रण गर्न प्लास्टिक बोरा

म्याग्दीका किसानले सुन्तलाको दाना झर्ने समस्या नियन्त्रण गर्न प्लास्टिकको बोरा प्रयोग गरेका छन । चाइनिज सिट्रोस फ्रुट फ्लाई किराको सङ्क्रमणबाट पाक्ने बेलामा औसा परेर झरेका सुन्तलाको दाना प्लास्टिकको बोरामा हालेर सुरक्षित व्यवस्थापन गर्ने तरिका उनीहरुले अपनाएका छन । यो तरिका निकै प्रभावकारी बनेको किसानहरुले बताएका छन । अघिल्लो वर्ष दैनिक २२÷२३ क्रेट दाना झर्ने गरेकामा यसपाली पाँच÷६ क्रेट मात्र झरेको कृषकहरुको भनाइ छ । कृषि ज्ञान केन्द्रले कृषकलाई औसाले झरेका दाना, बगैँचा व्यवस्थापन र सरसफाइ गर्ने ज्ञान, सीप र प्रविधि सिकाउन स्थलगत तालिम सञ्चालन गरेको छ ।