दिगो अर्थतन्त्रको विकासका लागि कृषि क्षेत्रको विकास गरिने: कृषिमन्त्री मगर

काठमाण्डौं । प्रदेश नं १ का कृषिमन्त्री झलकबहादुर मगरले कृषि तथा पशुका लागि आवश्यक कच्चा पदार्थ उत्पादन गरी मुलुकमा दिगो अर्थतन्त्र कायम गर्न सहयोग गर्ने बताएका छन्। नेपाल पारा भेटेरिनरी एण्ड लाइभस्टक एशोसिएशनले आयोजना गरेको प्रदेशस्तरीय भेला शुभारम्भ गर्दै उनले सरकारले कृषिलाई व्यवसायीकरण गरी कृषि तथा पशु पन्छीका लागि अवश्यक वस्तुको उत्पादन वृद्धि गरी आयात निरुत्साहित र निर्यातमा पहल गर्ने प्रतिबद्धता व्यक्त गरे। एशोसिएशनका केन्द्रीय अध्यक्ष रामप्रसाद मेहताले कृषि र पशुपालन क्षेत्रमा ६० प्रतिशत जनता आबद्ध भएकाले यस पेशालाई सम्मानजनक बनाउन सरकारले आवश्यक बजेट विनियोजन गर्नुपर्नेमा जोड दिए। भेलामा प्रदेशका १४ जिल्लाका २०० जना प्राविधिकको सहभागिता रहेको थियो । भेलाले कृषि तथा पशुपक्षी क्षेत्रको उत्पादनमा वृद्धि गर्न आवश्यक रणनीति तयार गर्ने जनाइएको छ ।